Анатолий Платонович Степановы кытта көрсүһүү

Автор

        IMG-20190412-WA0005

  Муус устар 10 күнүгэр Улуус библиотекатыгар   суруйаччы, ырыа айааччы Анатолий Платонович Степановы уонна кини кэргэнин Светлана Павловна Хабаровскайаны кытта көрсүһүү буолла. Анатолий Платонович эбээн биллиилээх суруйаччытын Платон Афанасьевич Степанов-Ламутскай уола буолар, кини 100-тэн тахса ырыа автора, сахалыы, нууччалыы, эбээннии хоһооннору суруйар поэт буолар. Анатолий Павлович “Амму дэтлэвэн хиракчим” (Продолжу полет отца) диэн хоһоонноох сборнигыттан хоһооннору ааҕан иһитиннэрдэ.

Анатолий Платоновичка аҕааччылартан элбэх бопуруос киирдэ, холобур:

  1. Тус бэйэн олоҕуҥ, айар үлэҥ туһунан сырдатыаҥ дуо?
  2. Ыччат үөрэхтэниитин туһунан туох санаалааххыный?…

Платон Ламутскай оло5ун, айар үлэтин бүтүннүүтүн эбээн норуота сайдарыгар, үөрэхтэнэригэр анаабыта уонна үгүс ситиһиилэринэн эбээн литературатын үрдүкү кэрдиискэ таһаарбыта.  Онтон суруйааччылар билиҥҥи туруктарын туһунан туох санаалааххыный? — уонна да атын бопуруостарга эппиэттээтэ.

        Бастакыннан библиотека директорыгар Семенова Туйара Яковлевнаҕа тыл бэрилиннэ. Олунньу 21күнүгэр эбээннии диктант кыттыылаахтарыгар сертификат уонна диктант  салайааччытыгар Наталья Архиповна Слепцоваҕа грамота туттарылынна. Анна Петровна Голикова музейга бастакы экспонат аҕалбытыгар махтал сурук уонна сувенир туттарылынна. Буолбут көрсүһүүгэ оҕолор музыкальнай эҕэрдэлээх кыттыыны ыллылар, Хомуска оонньоотулар Данияра Джанкобулова уонна Вася, Слава Голиковтар.

      Көрсүһүүбүтүн аҕатын туһунан кэпсээнинэн саҕалаабыта, Платон Афанасьевич сааһын тухары учуутал, омугун фольклорун, культуратын олоҕун устатын тухары үөрэппит, хомуйбут, норуотун дьылҕатыгар ис сүрэҕиттэн ыалдьар, сүрдээх аһаҕас, элэккэй майгылаах киһи этэ диэн кэпсээтэ, онтон ахтыы тыллар  бэриллибиттэрэ Матрена Васильевна Голиковаҕа, Устинова Людмила Тихоновнаҕа, Татьяна Афанасьевна Протопоповаҕа, Мария Иннокентьевна Глотоваҕа, Иннокентий Николаевич Никулинҥа. Уонна кыттыыны ыллылар Далбар Хотун – Үпэни ансаамбыл кыттааччылара уонна Устинова Людмила Тихоновна үөрэтэр оҕолоро эбээннии хоһоон эттилэр.  Бары көрөөччүлэри кытта сээдьэ үҥкүүннэн көрсүһүүбүт түмүктэннэ.

М. Горохова

 

Ответить

Ваш e-mail не будет опубликован. Обязательные поля помечены *